lifestyle

Grupu artista timoroan sira partisipa iha "Enkontru iha Makau" iha Jullu

SAPO TL, 26 de juñu de 2018

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Konsolidarte, grupu ida hosi artista na'in tolu Timor-Leste nian, timoroan na'in rua ho portugés na'in ida, partisipa iha fulan-Jullu iha "Enkontru iha Makau - Festival hosi Arte ho Kultura entre Xina ho Nasaun sira Lian Portugeza nian".

Artista timoroan sira Xisto Soares ho Tony Amaral no Ricardo Gritto lori obra tolu ne'ebé, hamutuk, iha folin kalkuladu ba dolar rihun 250: "Caixa Pandora", "Acervo" ho "Intelectual Gym", obra sira pintura ho 'mixed media' iha dimensaun boot.

Iha deklarasaun sira ba Lusa, Ricardo Gritto destaka importánsia hosi partisipasaun iha espozisaun ne'ebé sei permiti fó koñese artista sira hosi Timor-Leste iha merkadu ida hanesan merkadu xinés ne'ebé iha kolesionador boot balun iha mundu.

Tony Amaral, ho tinan 34, halo graduasaun iha Eskola Nasional Arte nian iha Sydney no halo ona espozisaun iha Austrália, Suisa, Indonézia ho Timor-Leste, rejista serbisu sira iha edisaun rua hosi Bienal Arte Aziátiku nian.

Ricardo Gritto, artista plástiku ho investigador, hanesan autor hosi projetu oioin, ho mestradu iha siénsia komunikasaun hosi Universidade Nova no lisensiatura ida iha Belas Artes hosi Eskola Superior Arte ho Design hosi Institutu Politékniku Leiria nian.

Xisto Soares, tinan 30, hanesan pintor ho artista autodidata ida ne'ebé iha tinan 2003 hamutuk ho eskola arte dahuluk nian iha Timor-Leste, Arte Moris, no nia obra sira halo parte iha espozisaun sira iha Suisa, Xina ho Austrália.

Konsolidarte hanesan projetu ida hodi promove no dezenvolve arte kontemporáneu timoroan nian "iha kontestu interkámbiu internasional hosi esperiénsia sira no matenek iha universu arte, pintura, eskultura, instalasaun ho dalan sira seluk ba espresaun artístiku nian".

Projetu sentra iha realizasaun hosi espozisaun sira, eventu sira ho intervensaun artístiku koletivu sira, "ho baze iha interasaun ho aprendizajen maka'as entre artista nasional sira ho estranjeiru sira" no "nia objetivu ikus maka internasionalizasaun hosi arte timoroan nian".

Espozisaun dahuluk hosi grupu halo iha fulan-Maiu 2017, hodi selebra tinan 15 hosi Restaurasaun Independénsia nian, ho tema "independénsia".

Edisaun dahuluk hosi "Enkontru iha Makau - Festival hosi Arte ho Kultura entre Xina ho Nasaun sira Lian Portugeza nian", organiza hosi Institutu Kultural sei hala'o iha fulan-Jullu no halibur eventu boot lima.

Destake ba Festival ida Sinema nian, espozisaun ho Palestra "Chapas Sínicas - Histórias de Macau na Torre do Tombo", Seraun hosi Espetákulu sira, Fórum Kultural ho Espozisaun Anual hosi Arte sira entre Xina ho Nasaun sira Lian Portugeza nian.

Fonte: Agência Lusa

komentáriu sira