lifestyle

George Clooney nia inan fó sai kosok-oan sira nia seksu

SAPO TL, 16 de fevereiru de 2017

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Nina Clooney "senti haksolok" tebes tanba nia oan-mane sei sai aman ba dala uluk ba oan kaduak.

Hafoin konfirmasaun ba Amal Clooney nia isin-rua, Nina Clooney, George Clooney nia inan, ko'alia ona ba imprensa internasional no fahe ona kuriozidade balun.

Bainhira ko'alia ho site Radar Online, Nina la rai segredu no fó sai kosok-oan sira nia seksu. "Mane ida no feto ida. Sira hetete nuen'e mai ha'u", nia hatete.

Atór nia aman-inan sira senti "haksolok" tebes no, iha entrevista ba revista US Weekly, Nina Clooney hatete ona: "Ha'u la konsege imajina ema na'in rua sai nu'udar aman-inan di'ak tebes. Ha'u senti katak nia sei sai hanesan aman di'ak ida no nia sai hanesan inan di'ak ida!".

Kosok-oan sira ne'e sei sai hanesan atór ho advogada nia oan hamutuk ba dala uluk. Sira na'in rua kaben iha fulan-Setembru tinan 2014 iha serimónia ida iha Veneza.

Fonte: SAPO Lifestyle

komentáriu sira