lifestyle

Galeria arte foun Uma Lulik inaugura ho espozisaun "Ausência" iha Lisboa

SAPO TL, 11 de outubru de 2017

  • Joël Andrianomearisoa

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Galeria arte foun Uma Lulik sei inaugura iha loron-sesta, iha zona Alvalade, iha Lisboa, ho espozisaun individual "Ausência", halibur obra inéditu sira hosi Joël Andrianomearisoa, ne'ebé halo iha obra sira ne'e viajen ida entre moris ho mate.

Espozisaun dahuluk ne'e hosi fatin foun ne'e dedika ba arte kontemporáneu, ho sasán oioin ne'ebé halo espesial hodi hatudu iha inaugurasaun, hosi artista hosi Madagaskar, ne'ebé manán prémiu ARCOmadrid 2016, sei hatudu to'o loron 06 Janeiru 2018, haktuir hosi fonte galeria nian.

Uma Lulik, harii no diriji hosi Miguel Rios, sei foka liuliu iha arte kontemporáneu hosi Ámerika-Súl, Áfrika, Médiu Oriente, Súl Ázia nian ho diáspora sira ne'e.

Tuir projetu diresaun nian, nia objetivu maka divulga serbisu hosi artista sira hosi rejiaun sira ne'e iha mundu, "mantén kontaktu metin hamutuk ho ajente lokal sira, no funsiona hanesan plataforma divulgasaun nian no promosaun hosi serbisu artista sira ne'ebé reprezenta ba públiku, kurador sira, kolesionador privadu sira no institusional sira".

Galeria foun hakarak "kontribui mós hodi fó sai arte kontemporáneu ne'ebé mai hosi fatin sira seluk ne'ebé iha rezultadu, hametin konseitu sira no hakbesik prátika artístiku foun sira".

Galeria nia naran - ne'ebé mosu hosi ligasaun Miguel Rios nian ho Timor-Leste, ne'ebé hanesan nia hela durante infánsia - signifika, iha lian tétun, "fatin ida hodi rai sasán lulik, no mós fatin hodi halibur hamutuk no halo atividade sira tradisional nian".

Espozisaun inaugural hosi galeria aprezenta serbisu oioin hosi Joël Andrianomearisoa, ne'ebé formadu iha arkitektura hosi École Spéciale d'Architecture, iha Paris, no moris iha Antananarivo, Madagaskar, iha tinan 1977.

Espozisaun ne'e fahe iha parte rua, "Ausência" ho “Dead Tree of My New Life”, ne'ebé iha parte dahuluk artista hatudu sasán foun hamutuk 28 ne'ebé halo hosi hena sira ne'ebé nia hetan iha nia rai moris fatin, suku no tau hamutuk halo mahar, iha transpozisaun ida ba textil hosi nia série anterior iha surat-tahan seda nian, “The Labyrinth of Passions”, sasán orijinal ne'ebé halo ba ARCOmadrid 2016.

Iha inísiu, artista, ne'ebé laran-monu ba natureza ho parte oioin hosi prátika arkitetóniku nian, dedika ba dalan seluk hosi produsaun kultura nian, serbisu iha "media" oioin, no nia prátika artístika inklui performance, vídeo ho instalasaun ho eskala boot.

Entre nia espozisaun individual foun sira maka inklui "La Bibliothèque Sentimentale", iha Les Abattoirs - FRAC Midi-Pyrénées, iha Toulouse (Fransa), "The labyrinth of passions", iha Mykolas Žilinskas Art Museu, iha Kaunas (Lituánia),partisipasaun iha Rencontres Photographiques, iha Bamako (Mali), no iha Dak’Art-Biennale d’Art Africain Contemporain 2016, iha Dakar (Senegal).

Andrianomearisoa nia serbisu halo parte hosi kolesaun públiku ho privadu sira, iha instituisaun sira hanesan Zeitz MOCAA (Áfrika-Súl), National Museum of African Art - Smithsonian Institution (EUA), Studio Museum Harlem (EUA), Sindika Dokolo Foundation (Angola), Fond Régional d’Art Contemporain - Frac La Réunion (Fransa), Fundação Leal Rios (Portugal) ho Frédéric de Goldshmidt (Bélgica), no iha fatin sira seluk.

Joël Andrianomearisoa hanesan artista dahuluk lahó nasionalidade españól ne'ebé maka simu Audemars Piguet ARCOmadrid Prize, iha edisaun dahaat hosi prémiu nian, iha tinan 2016.

ho Lusa

komentáriu sira