lifestyle

Fotografia sira Timor-Leste nian iha expozisaun iha Porto to'o 31 Dezembru

SAPO TL, 18 de novembru de 2017

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Sede EDP iha Porto simu to'o loron 31 Dezembru expozisaun fotografia “Expressões Lorosae”, kona-ba Timor-Leste, hosi Vítor Cordeiro, divulga iha loron-sesta ne'e.

Inaugura iha loron-kinta, expozisaun aprezenta "expresaun sira hosi povu ida ne'ebé, maski hosi distánsia jeográfiku, mantén ligasaun maka'as ida ho Portugal", inklui imajen oioin sira hosi teritóriu tomak maibé liuliu retratu sira, haktuir hosi organizasaun iha komunikadu.

Tuir testu ne'e, Vítor Cordeiro reprezenta ona EDP iha reorganizasaun hosi Empreza Eletrisidade Timor-Leste nian no iha reabilitasaun hosi sentral sira no rede elétriku sira ne'ebé hetan estraga hafoin referendu tinan 1999, no mantén ligasaun ba projetu ne'e to'o independénsia nasaun nian iha fulan-Maiu 2002.

Iha nia viajen sira iha teritóriu tomak, hodi halo levantamentu hosi estadu infraestrutura elétriku sira nian, hanesan mós fotógrafu halo rejistu "la'ós de'it ba sentra ho rede elétriku sira ka hosi restu sira, imajen furak sira hosi konteúdu sira ne'ebé la hanesan, no retratu sira maka nia gosta tebes".

Rezultadu hosi rekolla fotográfiku ne'e agora hatudu iha piso 0 iha sede EDP nian iha Porto, situa iha zona Boavista nian, besik iha Casa da Música.

ho Lusa

komentáriu sira