lifestyle

Fotografia ho artezanatu iha espozisaun hodi selebra independénsia

SAPO TL, 03 de setembru de 2019

  • Foto@Bernardino Soares (cedida pelo Bartolomeu M. Soares para SAPO Timor-Leste)

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Odamatan ki'ik sira hosi ai, halo hosi artezaun timoroan sira, ne'ebé iha kotuk subar fotografia sira ne'ebé retrata moris hosi ema sira ne'ebé maka halo, iha parte oioin iha Timor-Leste, hanesan elementu sentral hosi espozisaun ida ne'ebé inaugura iha Díli.

Espozisaun hanesan diálogu ida entre kriasaun artezanal - iha ai ho hena, ho tais sira - ho imajen sira hosi Bernardino Soares, naran ida hosi naran balun ne'ebé maka temi iha fotografia artístiku timoroan nian ne'ebé maka iha ona projetu oioin kompletu.

Estátua sira, máskara sira, sasán sira ne'ebé halo estátua iha ai hosi artezaun sira hosi enklave Oecusse, mosu iha ne'e interkaladu ho fotografia boot sira ne'ebé hatudu artezaun sira serbisu ka hatudu momentu loron-loron nian hosi moris simples tebes, antigu liu ho tradisional liu.

Espozisaun, ne'ebé halo parte iha programa hosi komemorasaun tinan 20 ba referendu ne'ebé maka ema timoroan sira hili ona independénsia hanesan inisiativu hosi empreza Things & Stories – motor prinsipal ida hosi artezanatu iha Timor-Leste, ho kolaborasaun hosi artezaun hamutuk 800 ne'ebé maka halo produtu tradisional sira ho modernu sira ba loja oioin iha Díli.

"Ami hakarak halibur parte tradisional ne'ebé maka disponível iha loja sira maibé ne'ebé maka ema sira la haree hanesan ne'e, maibé iha parte kontemporáneu, ho joven artista timoroan sira hanesan Bernardino Soares. Projetu ida ne'ebé halibur parte rua, tradisaun ho vizaun kontemporáneu ida hosi joven timoroan ida liuhosi fotografia", hatete hosi João Ferro, hosi Things & Stories, ba Lusa.

"Ami serbisu ho artezaun sira hodi, respeita tradisaun, hetan dalan sira hodi apela ba merkadu sira no, hamutuk ho merkadu sira, loke odamatan sira ho dalan sira ne'ebé permiti atu artezaun sira fa'an sira nia produtu ho aumenta sira nia rendimentu", nia esplika.

"Ki'ik maibé Boot", joga ho liafuan sira ne'ebé, aleinde hanesan 'ki'ik' ho 'boot' iha lian tétun, ikusmai asumi iha Timor-Leste signifikadu sira seluk hodi refere ba jerasaun sira ne'ebé joven liu ho sira ne'ebé katuas liu, ba povu ho ba líder nasional boot sira ka ba mós sentifu hosi individual ho grupu nian.

Maibé, iha ne'e, KIK hanesan mos sigla ida, hosi Kultura, Identidade ho Korajen - grafia iha lian tétun hosi liafuan sira hanesan iha lian portugés - retratu kontemporáneu ida hodi kahur lulik, antigu ho modernidade ida hosi nasaun ida ne'ebé sei hanesan joven.

Bernardino Soares esplika katak projetu ne'e hanesan ona lisaun boot ida, oportunidade ida hodi halo parte iha prosesu fabriku nian ba reprezentasaun hosi sasán ida-idak nian.

"Ha'u hahú fotografa nafatin ho pergunta ida no resposta ne'ebé maka mosu durante prosesu. No iha kazu ne'e, ha'u hahú husu tansá maka sasán sira ne'e, janela sira, tais sira, hanesan karun tebes", nia hatete ba Lusa.

"No resposta maka iha ligasaun ho prosesu. Halo tais ida, hanesan ezemplu, ita tenki sakrifika ita nia tempu, tenki halo kolorasaun. Iha istória ida. La'ós sosa de'it sasán ida, sosa tradisaun, ritual, lulik ne'ebé mai ho tais rasik", nia esplika.

Iha momentu ida hosi selebrasaun independénsia nian, fotógrafu hatete katak ema barak hatene sé maka hanesan veteranu sira luta nian no líder sira nasaun nian maibé espozisaun ne'e hakarak "selebra identidade kultural ho korajen hosi ema timoroan sira nian".

"Artezaun sira hanesan guardiaun sira hosi ita nia identidade no dalabarak ema haluha. Ne'e hanesan oportunidade ida hodi ko'alia kona-ba sé maka iha hena sira ne'e nia kotuk, hosi estátua sira ne'e, hosi sasán sira ne'e", nia hatete.

"Tradusaun ho ritual sai ona hanesan parte boot ida hosi luta ba independénsia. Maibé ohin loron ema barak ko'alia kona-ba polítika, maibé haluha katak artezaun sira ne'e mós hanesan asuwa'in, prezerva no hodi kontinua tradisaun ne'e", nia afirma.

Joana Bobotano, artezã ida ne'ebé maka envolve iha projetu, lori ba Díli ezemplu hosi tais sira hosi nia aldeia, Bobometo, besik iha Oesilo, iha enklave Oecusse-Ambeno.

Nia esplika ba Lusa katak obra sira ne'ebé maka ajuda fó serbisu ba feto lokal sira, fortalese ekonomia hosi família barak no hatudu mós tradisaun oituan timoroan nian ba públiku nasional ida ho internasional.

Espozisaun hanesan inísiu hosi projetu ida, hamutuk ho USAid no ne'ebé ikusmai sei sai livru fotografia ida ho filmi dokumental oioin kona-ba prosesu hosi kriasaun artezanal iha Timor-Leste, entre projetu sira seluk.

Fonte: Ajénsia Lusa

komentáriu sira