lifestyle

Feto ne'ebé hasai labarik "buan" eleita nu'udar person of the year

SAPO TL, 21 de dezembru de 2016

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Feto dinamarkeza ne'ebé iha fulan-Fevereiru tinan ne'e tulun ona labarik nijerianu ida ne'ebé família no komunidade lokal husik tanba deskonfia hanesan "buan" eleita ona hosi revista austríaku Ooom nu'udar personalidade ne'ebé inspiradora iha 2016.

Anja Ringgren Lovén lidera lista ho personalidade hamutuk 100 ne'ebé inspiradora iha tinan ne'e hosi Ooom, halakon prezidente norte-amerikanu Barack Obama, líder espiritual Dalai Lama ka atór Hollywood Leonardo di Caprio.

Kazu ne'e akontese iha fulan-Fevereiru tinan ne'e iha súl Nijéria nian. Labarik nijerianu ne'e ho tinan rua hetan tulun hosi feto dinamarkeza iha zona Uyo, iha súl Nijéria nian, hafoin famíli so'e tanba fiar katak labarik-mane ne'e hanesan buan ida.

Durante fulan ualu, labarik ne'ebé "sarani" ho naran Hope, ne'ebé signifika "Esperansa", moris iha estrada no han foer no hahán restu.

Bainhira Anja Ringgren Lovén hetan nian, nia fahe bee ho bolaxa ho labarik-mane ne'e no Anja kous nia. Momentu tulun ne'e sai hanesan susesu iha rede sosial sira.

Iha fatin daruak maka Barack Obama no hodi taka pozisaun ne'e maka okupa hosi atrís norte-amerikanu Charlize Theron. Iha top 10 iha mós personalidade sira hanesan Malala Yousafsai, Mark Zuckerberg ka Bob Dylan.

Fonte: SAPO Lifestyle

komentáriu sira