lifestyle

Expozisaun fotografia "Rostos de Timor" loke loron-tersa iha Díli

SAPO TL, 18 de maiu de 2017

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Expozisaun fotografia "Rostos de Timor" hosi António Cotrim, fotojornalista hosi ajénsia Lusa, ne'ebé manán Prémiu Gazeta 2014, sei inaugura iha loron-tersa, iha Arquivo & Museu da Resistência Timorense (ARMT) iha Díli.

Expozisaun, ne'ebé halo ona, iha fatin sira seluk, iha Asembleia Repúblika iha Lisboa, halibur fotografia hamutuk 24 ne'ebé hatudu luta hosi povu timoroan nian ba libertasaun hosi okupasaun indonéziu.

"Homenajen simples ida ba mane no feto sira hosi Timor ne'ebé terus ona, luta ona no mate ona ba liberdade no independénsia hosi rai ida ne'ebé sira hadomi no ne'ebé sira hakarak bolu ‘ha'u nia nasaun’”, hatete hosi fotojornalista ne'e ba Lusa.

Liutiha tinan 24 ba okupasaun ne'ebé halo hosi viziñu Repúblika Indonézia, Timor-Leste sai independente iha fulan-Maiu 2002.

"Marka hosi terus sira no iha tempu hanesan hosi esperansa", ne'ebé maka António Cotrim hetan iha oin sira ne'ebé nia hasai iha 2007, iha Timor-Leste, hamosu ideia hodi hala'o espozisaun ne'e, afirma ona hosi fotojornalista.

Expozisaun sei hatudu iha AMRT to'o loron 30 fulan-Maiu.

Versaun dahuluk expozisaun nian aprezenta ona iha Lisboa, iha Sentru Nasional Kultura nian, iha Outubru 2011, no, hafoin ne'e liuhosi fatin sira seluk, hanesan galeria kafé Santa Cruz, iha Coimbra, galeria Munisipal Vila Nova de Ourém, Muzeu Arte Sacra de Fátima no galeria munisipal hosi Alcochete.

António Cotrim hahú serbisu iha área komunikasaun sosial iha 1974, liuhosi ajénsia notísia sira Lusitânia, ANOP, Notícias de Portugal no, agora daudaun, iha Lusa. Kolabora mós ho semanáriu Tal & Qual no ho desportivu Record.

António Cotrim, bainhira refere ba reportajen ne'ebé halo iha tinan 2007, afirma ona: "Saida maka marka liu ha'u iha Timor maka povu, ne'ebé iha tinan barak nia laran terus, hasoru loron-loron ho hamnasa iha sira nia ibun. No marka tebes ha'u ksolok hosi povu Lorosa'e bainhira rona ka ko'alia portugés".

Iha testu ne'ebé akompaña espozisaun bele le: "Fotografia sira hosi António Cotrim hatudu kapasidade hodi fiksa imajen ida ne'ebé emosiona, ne'ebé afeta no komove ita. Oin ida ne'ebé mosu definidu no nabilan iha matenek hosi ema ne'ebé kapta momentu".

Fotógrafu, aleinde Prémiu Gazeta 2014, hetan ona mós mensaun honroza rua, ida hosi Clube Português de Imprensa, iha kategoria fotoreportajen iha tinan 2011, no ida seluk hosi Prémiu Europeu ba Fotografia Fujifilm, iha kategoria desportu nian, iha tinan 2004.

Iha nota hanesan refere katak "talentu no serbisu" hosi António Cotrim "hetan rekoñesimentu beibeik ho publikasaun hosi fotografia sira ne'ebé nia hasai iha livru oioin, folletu sira, katálogu sira no postal sira, la konta ho edisaun oioin iha jornal sira no revista sira, iha nível nasional no internasional".

Kona-ba esperiénsia profisional hosi Timor-Leste, fotógrafu afirma ona katak rai "ho gratidaun" memória "hosi povu ida ne'ebé, maski laiha, la tauk hodi fó laran, hodi simu sé maka vizita nia".

ho Lusa

komentáriu sira