lifestyle

Eskola samba 'Mangueira' manán karnaval hosi Rio de Janeiro

SAPO TL, 07 de marsu de 2019

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Ho homenajen ida ba vereadora Marielle Franco, ne'ebé ema oho iha fulan-Marsu 2018, eskola samba 'Mangueira' manán ona desfile hosi karnaval ne'ebé hala'o iha sambódromo Marquês de Sapucaí, iha estadu brazileiru Rio de Janeiro.

Ho projetu ida ne'ebé hanaran "Istória hodi habosok ema boot", eskola konta ona istória Brazil nian liuhosi hanoin hosi asuwain popular sira, konta ho homenajen ida ba Marielle Franco, ne'ebé ema tiru mate iha tinan liubá iha Rio de Janeiro, no vereadora nia viúva, Mónica Benício, partisipa iha desfile.

Eskola fó mós destake ba asuwain hosi rezisténsia sira ne'ebé laiha rekoñesimentu iha maioria livru eskolar sira, hanesan ema metan sira no ema índiu sira.

Ne'e hanesan ona títulu ba dala 20 ne'ebé maka 'Mangueira' hetan, no hanesan eskola daruak samba nian hosi Rio de Janeiro ne'ebé maka akumula títulu barak, lakon de'it ho eskola "Portela".

Karnaval Rio de Janeiro nian, konsidera hanesan festa boot ár livre nian iha mundu, hahú ofisial iha loron-sesta no halo ona rekord ba públiku, ho ema ne'ebé partisipa iha desfile hamutuk millaun ida resin iha bloku sira iha estrada ne'ebé hala'o iha findesemana, informa hosi prefeitura hosi sidade brazileiru ne'e.

Festa ne'ebé koñesidu liu iha Brazil reprezenta ona, tinan ne'e, investimentu ida hamutuk real millaun 72,4 (euro millaun 17 resin) iha Rio de Janeiro.

Fonte: Ajénsia Lusa

komentáriu sira