lifestyle

Ema rihun resin halo festa liuhosi zona sentral Díli nian iha Marxa "Pride 2019"

SAPO TL, 12 de jullu de 2019

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Ema rihun resin, timoroan sira ho estranjeiru sira, iha loron-sesta ne'e halo festa liuhosi sentru Díli nian iha Marxa Orgullu 2019 nian, iha edisaun ida ne'ebé iha liu selebrasaun duké reklamasaun.

Durante loraik tomak, ema timoroan ho estranjeiru sira la'o ona iha avenida prinsipal sira kapital nian, ho drum-band sira nia lian hosi eskola musulmanu ida no hosi múzika eletróniku.

Liafuan "Pride" (Orgullu) hakerek iha balaun sira ho kór arkuiris nian - ne'ebé sai ona hanesan símbolu hosi komunidade LGBTI (Lésbika, Gay, Biseksual, Travesti, Transeksual ho Interseksu) sira - loke ona korteju, ne'ebé ladún haree kartaz reklamasaun sira, ho apelu ba respeitu ba igualdade ho kombate hasoru diskriminasaun ho abuzu.

Estudu dahuluk kona-ba komunidade LGBTI iha Timor, fó sai iha final tinan 2017 nian, hatudu katak sofre violénsia ho abuzu psikolójiku ho fíziku, inklui obriga kaben no violasaun sira hodi "hadi'a" identidade seksual.

Relatóriu sira halibur sasin oioin hosi abuzu psikolójiku ho fíziku, inklui violénsia doméstika, kazamentu forsadu ho tentativa sira, hosi membru sira família nian, hodi muda orientasaun seksual ho identidade jéneru hosi ema sira nian.

Haree mós ba fator sosial ho ekonómiku sira seluk, hanesan dependénsia finanseiru hosi família sira, no oinsá ne'e afeta ba sira nia moris iha sosiedade timoroan, rekomenda ba Governu ho ba sosiedade sivil apoiu maka'as ba feto lésbika sira ho biseksual sira no ba mane transeksual sira, kria "oportunidade sira hodi aumenta sira nia kapasidade rasik hodi ajuda sira sai hanesan defensor prinsipal sira hosi sira nia direitu rasik", haktuir hosi estudu ne'ebé halo hamutuk hosi organizasaun timoroan Rede Feto no hosi organizasaun ASEAN SOGIE Caucus, ne'ebé luta ba direitu sira LGBTI nian iha sudeste aziátiku.

Fonte: Ajénsia Lusa

komentáriu sira