lifestyle

Ema atus resin asisti adeus ba dala ikus ba Stephen Hawking

SAPO TL, 31 de marsu de 2018

  • Stephen Hawking. (Foto:Jemal Countess/Getty Images/AFP)

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Iha loron-sábadu ne'e, família sira, belun no koegal sira hamutuk atus resin halibur iha Cambridge, iha leste Inglatera, hodi partisipa iha serimónia funeral hosi fíziku britániku Stephen Hawking, ne'ebé nia matenek sientífiku rekoñesidu iha nível internasional.

Stephen Hawking mate iha loron 14 Marsu liubá, ho tinan 76, iha nia uma iha Cambridge.

Stephen Hawking nia funeral, ateu konviktu ida, hala'o iha serimónia privadu iha loron-sábadu loraik iha igreja St. Mary the Great, iha universidade Cambridge, fatin ida ne'ebé besik tebes hosi fatin ne'ebé sientista rekoñesidu, ne'ebé nia investigasaun iha área relatividade no kuak metan sira destaka ona nia, serbisu durante tinan 50 resin.

Ema anónimu sira hamutuk atus resin konsentra besik iha igreja no basa-liman bainhira kaixaun ne'ebé lori hosi membru na'in neen hosi universidade Cambridge to'o iha lokal. Kaixaun ne'e nakonu ho ai-funan líriu no roza mutin, hodi reprezenta universu ho estrela polar.

Sinu igreja nian baku dala 76, ida-idak ba tinan hosi astrofíziku rekoñesidu, ne'ebé nia moris marka ona ho moras neorolójiku ida ne'ebé laiha kura no dejenerativu ne'ebé diagnostikadu ho tinan 21.

"Ami nia aman nia moris ho serbisu signifika maka'as tebes ba ema barak, fiar-na'in no sira ne'ebé la fiar, Nune'e, funeral sei halo inkluzivu ho tradisional, reflete amplitude no diversidade hosi nia moris", hatete hosi fíziku britániku nia oan sira, Lucy, Robert ho Tim, liuhosi komunikadu.

"Ami nia aman moris ho serbisu ona iha Cambridge durante tinan 50 resin (...). Ho razaun ne'e maka ami desidi organiza nia funeral iha sidade ne'ebé maka nia hadomi no ne'ebé maka hadomi fali nia", esplika hosi nota ne'e.

Entre konvidade sira ne'ebé prezenta hamutuk 500 resin iha serimónia funeral iha figura públika oioin, hanesan guitarista hosi grupu Queen Brian May ka atór Eddie Redmayne ne'ebé reprezenta ona fíziku famozu ne'e iha filme "The Theory of Everything", dezempeñu ne'ebé halo Eddie Redmayne hetan Óscar ba Ator di'ak liu iha tinan 2015.

ho Lusa

komentáriu sira