lifestyle

Edisaun datoluk Morabeza nian to'o iha Fogo no lori Ramos-Horta ba Cabo Verde

SAPO TL, 24 de outubru de 2019

  • José Ramos-Horta

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Edisaun datoluk hosi Morabeza – Festa Livru Cabo Verde nian, hahú iha loron-sesta iha Praia no, ba dala uluk, sei halo to'o illa Fogo, konta ho "entrevista moris nian" ba José Ramos-Horta.

Tuir fonte hosi organizasaun Morabeza nian, inisiativa ida ne'ebé promove hosi Ministériu Kultura ho Indústria Kriativu sira Cabo Verde nian, ho alargamentu festival nian, ne'ebé hahú iha illa Santiago no konsidera hanesan eventu literáriu boot ida iha Áfrika luzófonu, eventu ne'e sei to'o iha munisípiu oioin hosi illa Fogo nian.

"Morabeza sei iha feira livru rua, iha sidade Praia ho illa Fogo, ne'ebé sei iha títulu oioin, inklui obra importante sira, títulu internasional sira ho luzófonu sira, livru sira hosi autor konvidadu sira ba eventu ho literatura infanto-juvenil nian", esplika hosi fonte hanesan.

Edisaun datoluk hosi Morabeza – Festa Livru Cabo Verde nian sei hala'o to'o loron 03 Novembru no sei hetan prezensa, entre konvidadu sira, iha kedas loron dahuluk, hosi José Ramos-Horta, antigu Prezidente Repúblika Timor-Leste nian ho Prémiu Nobel Dame tinan 1996 nian ne'ebé sei fó "entrevista ida moris nian".

Edisaun tinan 2019 hosi Morabeza sei iha feira livru ida ho obra sira hosi autor internasional sira ho luzófonu sira. Iha sidade Praia, Biblioteka Nasional Cabo Verde nian sei simu enkontru sira ho autor sira, iha illa Fogo programasaun sei fahe entre Chã das Caldeiras, Santa Catarina, São Filipe ho Mosteiros.

Entre konvidadu sira ba konversa sira ho públika iha previzaun ba prezensa iha Morabeza tinan ne'e hosi Abdulai Sila, eskritor hosi Guiné-Bissau, Eurídice Monteiro, Fausto do Rosário, Germano Almeida, Manuel Veiga ho Margarida Fontes, hosi Cabo Verde, Conceição Lima, hosi São Tomé e Príncipe, Mário Augusto ho João Tordo, hosi Portugal, ho Ondjaki hosi Angola.

"Ho meza sira debate nian, vizita sira ba eskola sira, ‘showcooking’ ho seluk tan, Morabeza husik nia marka bainhira produz patrimóniu material ho imaterial ne'ebé sei dura liutiha tempu balun hafoin taka edisaun ne'e", esplika hosi organizasaun.

Hosi programasaun iha mós sesaun sira literatura nian ho labarik sira, pintura ba muru sira ho debate sira.

"Morabeza hanesan festa livru ida nian no, tanba hanesan livru nian, liuliu kona-ba buat hotu no ba ema tomak", konklui hosi organizasaun.

Fonte: Ajénsia Lusa

komentáriu sira