lifestyle

Dukeza Sussex nian edita númeru hosi Vogue britániku ne'ebé foka iha feto sira

SAPO TL, 29 de jullu de 2019

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Dukeza Sussex nian, Meghan Markle, edita ona númeru hosi revista Vogue fulan-Setembru nian iha Reinu Unidu, ne'ebé destaka personalidade feto na'in 15 ne'ebé "halakon ona bareira sira" ho konversa ho eis-primeira-dama norte-amerikanu, Michelle Obama.

Dukeza, ne'ebé sai ona nu'udar inan iha fulan-Maiu, hanesan famoza dahuluk ne'ebé maka kaer knaar hosi "diretora konvidada" ba edisaun Setembru nian, ne'ebé konsideradu hanesan importante liu iha tinan ne'e tanba iha nia maka fó sai kolesaun outono-invernu, esplika hosi diretor publikasaun nian, Edward Enninful.

Meghan hanesan membru datoluk hosi família real britániku maka partisipa iha revista, hafoin Diana halo dala tolu ho Kate, dukeza hosi Cambridge, halo parte iha kapa hosi Vogue iha tinan 2016 ba selebrasaun hosi sentenáriu publikasaun nian.

Dukeza serbisu ona durante fulan hitu iha preparasaun hosi númeru ne'e, ho títulu "Forsa sira ba mudansa" ne'ebé halibur feto na'in 15 hosi área ho etnia oioin no destaka sira nia serbisu ka esperiénsia pesoal sira ne'ebé kontribui hodi muda mundu.

Iha kapa bele haree primeira-ministra Nova Zelándia nian, Jacinda Arden, ativista ba meiu ambiente Greta Thunberg, atrís sira Jane Fonda, Salma Hayek Pinault, Laverne Cox, Jameela Jamil, Yara Shahidi ho Gemma Chan, modelu sira Christy Turlington Burns, Adwoa Aboah ho Adut Akech, lutadora boxe nian Ramla Ali, ativista ba diversidade Sinead Burke, bailarina Francesca Hayward ho eskritora Chimamanda Ngozi Adichie.

Iha kapa mós iha kuadradu sinzentu ida ne'ebé serve hanesan espellu ida hodi nune'e leitor reflete no senti "inspiradu" hodi hadi'a mundu iha besik nia, haktuir hosi mensajen hosi dukeza iha revista laran, ne'ebé la aparese iha kapa tanba nia rasik konsidera katak hanesan "vaidade", haktuir hosi Enninful.

Iha revista laran iha konversa oioin hosi Meghan Markle ho Michelle Obama, ho Jane Goodall, primatólogu, ho nia laen, o Prínsipe Harry.

Iha mensajen ida ne'ebé diriji ba leitor sira kona-ba revista ne'ebé sei to'o iha públiku iha loron 02 Agostu, dukeza hatete katak "hanesan gratifikante tebes" serbisu ho Enninful ho nia ekipa, nune'e mós dedika númeru ne'e "ba valor sira, ba kauza sira ba ema sira ne'ebé iha impaktu iha mundu ohin loron nian".

"Liuhosi lenti ne'e, ha'u hein katak leitor sira senti forsa koletivu hosi selesaun diversifikadu hosi feto sira ne'ebé eskollidu ba kapa no hosi ekipa ne'ebé ha'u hili hodi apoia ha'u", hakerek hosi eis-atrís ne'e.

"Ha'u hein katak leitor sira senti inspiradu tebes hanesan ha'u ba forsa sira mudansa nian ne'ebé sei hetan iha pájina sira ne'e", dukeza hatete iha nia editorial.

Fonte: Ajénsia Lusa

komentáriu sira