lifestyle

Duke sira Sussex nian anunsia rekua iha dever hosi membru senior hosi família real britániku

SAPO TL, 09 de janeiru de 2020

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Prínsipe Harry ho nia feen anunsia, iha loron-kinta ne'e, katak sei "rekua" hosi dever sira nu'udar membru senior sira hosi família real Reinu Unidu nian, hodi sai "independente iha nível finanseiru", Palásiu Buckingham hatete katak kestaun sira ne'e hanesan "komplikadu".

"Hafoin fulan barak nia laran hosi reflesaun ho diskusaun internu sira, ami desidi halo tranzisaun ida iha tinan ne'e hodi ami hahú harii knaar progresivu foun ida iha instituisaun ne'e. Ami hakarak rekua nu'udar membru senior sira hosi família real [Reinu Unidu nian] no serbisu hodi ami sai independente iha nível finanseiru", deklara hosi duke sira Sussex nian, iha publikasaun ne'ebé halo liuhosi konta kazal nian iha rede sosial Instagram.

Publikasaun refere mós katak duke sira Sussex nian sei fahe tempu entre Reinu Unidu ho Estadus Unidus Amérika, hanesan moris-fatin hosi prínsipe Harry nia feen, Meghan Markle.

Dukeza Sussex uluk hanesan atriz antes kaben ho prínsipe Harry, iha tinan 2018.

Harry, tinan 35, hanesan bei-oan-mane hosi atual rejente britániku, Isabel II, no hanesan daneen hosi liña susesaun nian ba tronu.

Maibé, família real afirma ona katak konversa sira ho duke sira Sussex nian "iha hela faze dahuluk" no katak, maski hosi elementu sira seluk entende 'hakarak [hosi kazal] hodi hili dalan seluk", hanesan kestaun sira "komplikadu ne'ebé lori tempu hodi bele rezolve", haktuir hosi komunikadu ne'ebé transmiti hosi Palásiu Buckingham ne'ebé haktuir hosi ajénsia France-Presse.

Fonte: Ajénsia Lusa

komentáriu sira