lifestyle

Desfile dragaun boot marka loron dahuluk tinan Asu nian iha Makau

SAPO TL, 16 de fevereiru de 2018

  • Foto@ Carmo Correia/EPA/Lusa

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Serimónia hosi dragaun osan-mean boot marka ona loron-sesta ne'e, iha Makau, loron dahuluk hosi tinan Asu nian, hamutuk ho dansa sira leaun nian, sunu panxaun sira no fahe "lai-sis" sira.

Dragaun osan-mean boot, ho naruk metru 238, "mosu" iha ruína S.Paulo nian no iha largu Senado, pontu turístiku rua prinsipal iha sidade, akompaña ho leaun oioin no maromak sira Fortuna nian, Felisidade nian, Lonjevidade no Prosperidade nian, aleinde animal hamutuk 12 hosi horóskopu xinés nian.

Hafoin sunu panxaun sira, iha largu Senado, responsável oioin ne'ebé marka prezensa, hanesan diretora hosi Serbisu sira Turizmu nian, Helena de Senna Fernandes, prezidente hosi konsellu administrasaun hosi Institutu ba Asuntu Síviku ho Munisipal sira, José Tavares, ho prezidente hosi Institutu Kultural, Mok Ian Ian, fahe ona envelope mean sira ["lai-sis"] ho oferta simbolíku ida ho osan.

Iha kalan sira hosi loron datoluk no loron dasia hosi tinan foun Lunar (18 ho 24 Fevereiru), sei hala'o parada sira selebrasaun nian ba tinan Asu nian, ida dahuluk iha zona súl hosi sidade no ida daruak iha parte norte.

Aleinde parada sira, sei hatudu karreta alegóriku sira, espetákulu sira no sunu fogueti sira no jogu sira ba telemóvel sira sei domina programa festa nian. Grupu artístiku hamutuk 25 hosi Makau no ualu hosi estranjeiru, mai hosi Portugal, Alemaña, Xina interior, España, Fransa, Hong Kong, Japaun ho Rúsia, partisipa iha komemorasaun sira.

Iha kapital mundial jogu nian, ne'e hanesan períudu ida ne'ebé iha jogu barak, hodi mós tradisaun nia naran ne'ebé haruk buka sorte no prosperidade.

Iha loron-kinta to'o ona vizitante hamutuk 70.230 iha Makau, na'in 39.953 mai hosi interior Xina nian, ne'ebé reprezenta aumentu ida hosi 7,5% kompara ho períudu hanesan iha tinan liubá, haktuir hosi informasaun ne'ebé fó sai hosi serbisu Turizmu nian.

Iha tinan 2017, turista hamutuk rihun 930 resin tama ona iha Makau durante semana Tinan Foun xinés nian, 9,9% resin duké períudu hanesan iha tinan 2016, haktuir hosi informasaun ofisial. Ba tinan ne'e, Serbisu Turizmu nian hein aumentu ida entre 1% no 3%.

ho Lusa

komentáriu sira