lifestyle

Celine Dion ultrapasa nia laen nia mate liuhosi moda

SAPO TL, 12 de setembru de 2017

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Kantora ko'alia kona-ba oinsá maka nia paixaun antigu ajuda nia hodi hasoru ho momentu susar ne'ebé nia hetan foin lalais ne'e.

Celine Dion hanesan ezemplu feminino no elegánsia. Dalabarak haree nia ho ropa ne'ebé ho marka koñesidu ne'ebé hatudu romantizmu karakterístiku hosi nia knananuk sira. Maibé buat ne'ebé maka hanesan paixaun ida bele sai mós hanesan terapia ida.

Celine Dion iha hela prosesu lutu nian. Kantora ho tinan 49 lakon nia laen iha fulan-Janeiru tinan liubá, vítima hosi kankru iha kakorok. Hodi halakon triste ne'e nia fila fali ba paixaun antigu nian: Moda.

Durante lansamentu hosi nia marka mala nian, kantora konta oinsá maka mundu moda nian ajuda nia hodi ultrapasa momentu susar sira iha nia moris. "Hanesan inkrível oinsá ho fantazia oituan bele muda ita nia humor", nia hatete ba revista People.

Iha veraun liubá, artista hahú serbisu ho designer Law Roach, ne'ebé hatete katak nia senti ksolok tebes ba kantora tanba moda ajuda ona kantora hodi aumenta nia estadu espíritu.

"Law iha 100%. Moda bele iha influénsia ida maka'as iha ita nia sentimentu loron-loron", nia hatutan. "Moda hanesan fantazia. Dalabarak bele fó mai ita saida maka ita presiza hodi hasai ita nia hanoin hosi ita nia problema sira", nia hatutan.

Fonte: NM /SAPO Lifestyle

komentáriu sira