lifestyle

C&A hasai hosi merkadu kazaku ba bebé sira tanba risku asfiksia tanba botaun sira

Sapo TL, 12 de juñu de 2014

C&A husu ba konsumidór sira atu fó fila kazaku sira bebé nian ho kór mean ka kór-roza.

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Empreza internasionál ba ropa nian C&A fó sai iha loron-kinta ne'e, liuhosi komunikadu iha imprensa, katak hasai hosi merkadu kazaku ba bébe sira tanba ninia botaun sira ne'ebé bele sai no halo asfiksia, no promete atu fó fila osan ba sé maka fó fali kazaku sira.

Iha anúnsiu, empreza esplika katak desidi hasai hosi merkadu kazaku sira bebé nian hahú hosi fulan tolu no to'o tinan rua tanba botaun sira hosi kazaku sira ne'e bele sai.

"Bainhira dada fiu hosi bitaun ruma, botaun ne'e bele monu. Bainhira kosok-oan sira tau ba ibun laran no tolan bele hamosu risku asfiksia ida", empreza esplika ona no hatutan katak maski laiha kesar ida kona-bá insidente ruma, sira hakarak hasai hosi merkadu hodi prevene.

Iha komunikadu, C&A husu ba konsumidór sira atu fó fila kazaku sira bebé nia ho kór mean no kór-roza (ho númeru referénsia sira 321/02/02/74522/803 no 321/02/74522/805), ho tamañu 68 to'o 92 (hahú hosi fulan tolu to'o tinan rua).

"Bele fó fila kazaku sira bebé nian iha loja ruma C&A nian ka haruka liuhosi koreiu, lahó kustu ruma. Ami sei fó fali folin tomak nian", refere hosi empreza ne'e.

C&A subliña katak to'o agora seidauk iha estraga pesoál ruma maibé hanesan de'it medida ida hodi prevene.

ho Lusa

komentáriu sira