lifestyle

Buat hirak ne'ebé kaben-na'in di'ak sira la halo

SAPO TL, 12 de fevereiru de 2016

La’os fasil atu mantén relasaun ida no dalabarak iha problema balun ne’ebé bele liu ho de’it buat hirak ne’ebé fasil. Deskobre dalan fasil hirak ne’e!

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Lafasil ba kaben-na’in sira atu mantén relasaun ne’ebé di’ak, tanba ne’e maka presika ajuda balun. Ho nune’e maka ami hato’o dalan balun hodi ajuda kria relasaun di’ak entre feen ho laen.

Rede sosiál – Labele iha buat ne'ebé ofensivu liuliu buat ne'ebé relasionadu ho ita nia parseiru. Maski dalaruma ita la gosta ho situasaun ruma, kaben-na’in sira ne’ebé ho relasaun di’ak, sei la hamoe ninia parseiru.

Diskusaun sira – Halo diskusaun kona-bá asuntu antigun hanesan dalan ladi’ak hodi kontinua kria relasaun di’ak no tanba ne’e maka lalika ko’alia kona-bá asuntu tempu uluk nian.

Hatene husu deskulpa – Dalan di’ak hodi hatudu katak arepende duni no importante atu rezolve imi ninia problema no kontinua la’o ba oin.

Informasaun pesoál – Labele uza hanesan dalan ida hodi hatudu katak ema ida de’it maka di’ak, tanba kaben-na'in sira ne'ebé iha relasaun di'ak la presiza fó sai segredu hosi sira nia parseiru.

Ko’alia kona-ba problema – Aléinde la fahe informasaun ba malu, labele mós konta problema imi ninia problema ba ema seluk, karik ema ne’ebé imi konta ba ne’e imi la konfia no la’os fatin hodi konta ba.

Husu deskulpa lahó laran – Maski fasil atu husu deskulpa, maibé tenki halo ho laran no la’os fó sala fali ba ema seluk.

Independente – Importante tebes atu kaben-na’in sira mantén sira ninia independénsia, tanba bainhira moris tuir ema seluk ninia hakarak, sei la hamosu buat pozitivu ba ema ida ninia moris.

Lafó sala ba malu – Iha relasaun kaben-na’in nian, importante tebes atu la halo krítika negativu, tanba ne’e bele estraga relasaun. Tanba ne’e maka tenki halo krítika ho pozitiva no bele ajuda feen ka laen hadi'a saida maka aat ka la loos.

Deskulpa – La fasil atu husu deskulpa, tanba orgullu bele halo susar buat hotu, maibé importante maka bainhira membru ida sala, nia tenki husu deskulpa ba ida seluk no la’os husu deskulpa tanba senti hanesan obrigasaun.

Fonte: Strazzera

komentáriu sira