lifestyle

Bloger musulmanu sira sai koñesidu tanba konsellu ba moda

Sapo TL, 09 de jullu de 2015

  • The Hybrids - Ascia Al-Faraj

  • Yasemin Kanar

  • Dina Torkia

  • Sanae Chakrouni

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Fiar metin ba sira nia kultura maibé la lakon feminilidade, bloger sira ne'e konkista daudaun mundu moda nian ho sira nia dika.

1- The Hybrids-Ascia Al-Faraj Site: www.hybridheadpiece.com/ Instagram: @Ascia_AKF

Ahmad ho Ascia hanesan feen ho laen no sira hanesan bloger moda nian iha Kuwait. Sira na'in rua iha heransa multikulturál, tanba ne'e hanaran sira nia aan rasik híbridu. Iha site ne'e sira fó dalan ba moda universál sira nian maibé la lakon kultura musulmanu nian.

Ascia iha mós konta ida iha Instagram nebe fó dalan ba looks loron-loron nian, ho fã millaun ida resin.

2- Dina Torkia Instagram: @dinatokio Site: www.dinatorkia.com/

Nia hanesan ema Ejiptu maibé hela iha Londres no moda sai hanesan parte iha nia moris. Hanesan estilista no bloger no fó konsellu moda ho estilu musulmanu nian maibé atuál tebes. Nia konta Instagram iha fã 1/2 millaun. Dina iha nia marka rasik nebe fa'an online iha nia site.

3- Sanae Chakrouni Instagram: @fashion_by_sen

Sanae Chakrouni halo hijabi hanesan nia símbolu estiu nian. Fó konsellu moda ba nia fã sira iha Instagram, liu rihun 14 resin, nebe kahur modelu atuál ho orijen musulmanu sira nian.

4- Yasemin Kanar Instagram: @yazthespaz89

Yasemin Kanar hanesan mistura kultura ida nian: iha ran kubanu, turku no boot iha Miami. Orgullu tebes ho nia heransa, Yasemin uza nafatin hijabi (lensu iha ulun) hanesan símbolu ida iha nia marka sira estilu nian. Nia hanorin nia fã sira hodi uza ho dalan oioin.

komentáriu sira