lifestyle

Bailadu ho istória Pedro ho Inês nian aklamadu iha Timor-Leste

SAPO TL, 26 de juñu de 2019

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Banku neen ho kadeira ai rua ho bailarinu na'in rua hanesan sufisiente, iha loron-tersa ne'e, hodi tau iha palku, ba dala uluk, iha Díli, istória hosi Pedro ho Inês de Castro nian, iha bailadu ida ne'ebé asisti hosi ema na'in 300 resin.

“Murmúrios de Pedro e Inês”, obra ida ne'ebé vizita ona pontu oioin iha Portugal no estranjeiru, to'o iha loron-tersa ne'e ba palku dook liu to'o agora, iha Timor-Leste, iha inisiativu ida hosi Fundasaun Oriente, BNU ho Hotel Timor.

Solange Melo ho Fernando Duarte, bailarinu na'in rua ne'ebé hanesan responsável ba diresaun artístiku (Duarte hanesan koreográfu ba pesa ho atu ida de'it) interpreta ona obra ne'ebé destaka mós testu sira hosi Afonso Cruz, múzika hosi Bernardo Sassetti ho Fernando Lopes-Graça no guarda-ropa hosi José António Tenente.

Momentu ne'ebé ladún akontese iha kalendáriu kultural iha Timor-Leste, ne'ebe manifestasaun artístiku sira hanesan ne'e hanesan ladún akontese no, tanba ne'e, hamosu interese maka'as entre ema timoroan sira, portugés sira ho ema sira ne'ebé hela iha Díli, ho mós hosi nasionalidade sira seluk.

"La'ós ba dala uluk maka ami interpreta obra iha estranjeiru no ami halo ona iha nasaun sira ne'ebé portugés la'ós hanesan lian ofisial no hanesan satisfasaun boot ida haree katak públiku hatene istória", nia refere ona ba Lusa.

Aspetu ida, rekorda hosi Fernando Duarte, ne'ebé hatudu dezafiu ne'ebé, lahó testu, konta istória ida ho dalan seluk, liuhosi movimentu ho dansa.

"Ne'e hanesan dezafiu boot ida ne'ebé, nu'udar artista sira dansa ho bailadu nian, ami hakarak lori ba oin: dansa ne'ebé laiha testu ho liafuan, elementu fundamental ne'ebé uza hodi konta istória", nia esplika.

"Hanesan satisfasaun boot ida hato'o dalan seluk hosi ‘storytelling’ liuhosi dansa no ne'ebé públiku bele hatene no la senti falta hosi liafuan ne'e. Ami nia liafuan maka movimentu", nia hatete.

Parte sira seluk hosi obra maka simplisidade, la presiza senáriu elaboradu ida ka iluminasaun espesial ida, basta de'it koreografia, múzika no momentu sira hosi testu ne'ebé halo hodi transmiti intensidade hosi istória.

"Simplisidade husik dansa ko'alia liu. Saida maka ami hakarak duni maka dansa sai liu destake [hosi Pedro ho Inês nian] no oinsá sira nia istória, ne'ebé ko'alia maka'as liu duké saida maka haleu. No klaru, tenki hanoin ba falta orsamentu sira mós", admiti hosi Solange Melo.

"Falta rekursu sira fó motivu ba kriatividade boot", nia refere.

Ba Solange Melo, obra reprezenta, liuliu, Portugal ba "kapasidade ne'ebé portugés tenki hanesan intensu", ho istória ida "bulak maibé mós furak".

"No iha buat ida espesial tebes maka bele transforma iha símbolu ida, símbolu domin nian, hosi istória no arte no ha'u hanoin katak ne'e maka Pedro ho Inês aprezenta", nia hatete.

Fernando Duarte hatete katak kolega estranjeiru barak hatete ba nia katak istória bele sai hanesan bailadu boot ida, espesial liu, "tanba iha baze iha faktu real sira".

"Ne'e bele akontese duni iha Portugal. Liurai-mane ida ne'ebé koroa liurai-feto ida ne'ebé mate ona no hafoin ne'e obriga korte re'i liman-ruin", nia afirma.

Bailarinu na'in rua oferese iha loron-kuarta 'aula' ida ba labarik sira iha Timor-Leste.

Fonte: Ajénsia Lusa

komentáriu sira