lifestyle

Angelina Jolie nia diskursu poderozu: "Ita labele hakru'uk"

SAPO TL, 07 de dezembru de 2017

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Atrís marka ona prezensa iha gala 'Women In Entertainment', iha loron-kuarta ne'e, no salienta desigualdade jéneru nian ne'ebé iha nafatin iha área balun hosi sosiedade no iha fatin balun iha mundu.

Angelina Jolie sa'e ba palku gala nian hosi The Hollywood Reporter - 'Women In Entertainment' – ne'ebé halo iha Los Angeles, iha loron-kuarta ne'e, hodi halo diskursu poderozu ida kona-ba feto sira nia knaar iha mundu entretenimentu nian no oinsá maka sira bele inspira feto sira seluk iha mundu tomak.

Iha sala ne'ebé iha nonook kuaze total, no ne'ebé marka mós prezensa hosi ema koñesidu sira hanesan Gal Gadot ou Jennifer Lawrence, atrís deklara ona: "Ita iha direitu hodi lialoos tuir buat ne'ebé ita haree. Ita hotu koñese feto sira ne'ebé nunka bele moris tuir sira nia mehi tanba tenki tau família iha fatin dahuluk, ne'ebé tau nia kriativu loloos iha família sira", nia defende.

Ba Angelina, iha nafatin falla sira iha indústria entretenimentu nian kona-ba diversidade ho igualdade no, tanba ne'e, iha buat barak maka sei muda.

"Maski nune'e ita iha nível ida liberdade nian ne'ebé inkrível ba feto millaun resin iha mundu tomak", nia refere. Maibé “[iha] feto sira ne'ebé moris iha konflitu sira, terorizmu no iha kiak no ne'ebé nunka iha oportunidade ida, [feto sira] ne'ebé sira nia lian ema la rona", atrís ho tinan 42 hatutan. "Ita labele hakru'uk, ita labele hanoin katak filmi ne'ebé ita halo bele lori ita ba kadeia hodi ita bele hetan tortura no hetan kastigu", nia hatete.

"Ita iha direitu hodi hanoin no ko'alia ho livre no lori ba oin ita nia hanoin sira ho kondisaun hanesan. Iha feto sira iha mundu tomak ne'ebé tenta de'it hodi iha lian ida hodi iha opiniaun ida", nia hakotu.

Fonte: SAPO Lifestyle

komentáriu sira