lifestyle

Andrew Morton: Liutiha tinan 20, Diana kontinua vingansa ba Carlos

SAPO TL, 30 de agostu de 2017

  • Foto@ Andy Rain /EPA

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Prinseza Diana halo fraku ona monarkia bainhira fó sai, iha 1992, pormenor sira kona-ba moris iha palásiu ba jornalista Andrew Morton, ne'ebé hatete ba Ajénsia France-Presse (AFP) katak revelasaun sira sei iha impaktu iha família real.

Iha livru "Diana: Her True Story", publika iha 1992, Andrew Morton halibur konfidensial sira ne'ebé Diana halo kona-ba kazamentu falladu ho prínsipe Carlos, nia tentativa hodi oho-aan no nia luta hasoru bulimia, iha tempu hanesan halo retratu krítiku ida moris nian iha família real nia leet.

Best-seller oferese ona ba públiku imajen foun ida kona-ba futuru Liurai-mane Inglatera nian no sei iha nafatin dúvida kona-ba Carlos nia kapasidade hodi troka nia inan, Isabel II. Tuir Andrew Morton, Diana hakarak duni atu sai nune'e.

"Laiha dúvida katak, iha konversa sira ne'ebé nia halo ho ha'u no, hafoin ne'e, ho televizaun, bainhira nia hatete katak Prínsipe laiha preparasaun hodi sai Liurai-mane, nune'e karik William maka sei kaer knaar ne'e", biógrafu ne'e ko'alia ba Ajénsia France-Presse (AFP) durante entrevista ida iha nia uma iha Londres.

"Ohin loron, ema barak hakarak atu koroa ba direta ba prínsipe William. Ne'e sei la akontese, maibé hanesan, iha parte balun, povu nia sentimentu ne'ebé hetan influénsia hosi Diana nia moris", biógrafu ne'e hatete.

Fonte: SAPO Lifestyle

komentáriu sira