lifestyle

Alexandra Moura navega iha London Fashion Week ho Deskobrimentu no Timor-Leste

SAPO TL, 20 de fevereiru de 2017

  • Fonte: alexandramoura.com

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Viajen ida ba Timor-Leste no ba Indonézia iha tempu Deskobrimentu portugés sira nian hanesan tema hosi kolesaun outonu/invernu 2017-2018 ne'ebé maka dezigner portugeza Alexandra Moura aprezenta iha loron-segunda ne'e iha London Fashion Week, iha tuku 18:30 (hora lokal).

Hafoin halo tiha parte iha London Fashion Week (LFW) iha fulan-Setembru tinan liubá ho kolesaun primavera/veraun no tanba hetan "krítika di'ak sira", Alexandra Moura sai hanesan kriadora portugeza eleitu ba projetu Portugal Fashion hodi fila fali ba semana moda londrinu nian no aprezenta iha loron-segunda ne'e nia kriasaun sira ba estasaun malirin oinmai.

Desfile marka ba tuku 18:30 (oras lokal) iha Banking Hall, edifísiu ida ho estilu "art deco" lokalizadu iha sentru sidade Londres nian.

Dezigner portugeza sei "interpreta fali romantizmu" hodi lori ba Londres kolesaun ida ne'ebé fó homenajen ba "nostaljia istóriku hosi istória iha époka deskobrimentu portugés sira nian, liuliu hato'o proposta ba viajen ida iha tempu to'o kolónia luzu sira nian iha sékulu XVIII", avansa hosi Rafael Rocha, diretór komunikasaun hosi projetu Portugal Fashion, ba Lusa.

Ba diretór komunikasaun Portugal Fashion nian, "asaun ne'e hanesan evidénsia loloos ida katak British Fashion Council rekoñese moda hosi autor nasional no hanesan mós sinal ida katak Portugal Fashion iha atensaun ba dispozisaun hosi design portugés iha merkadu ne'e".

Semana moda Londres nian sei iha mós prezensa hosi Marques'Almeida, duplu portugeza ne'ebé hatudu kolesaun foun outonu/invernu iha kalendáriu ofisial hosi London Fashion Week, iha loron-tersa, tuku 12:00 (oras lokal).

Hafoin iha kapital britániku, Portugal Fashion iha ona destinu foun ida hodi divulga moda portugeza, hodi fila ba sidade italianu Milaun, iha ámbitu hosi Milano Moda Donna, entre loron 22 no 28 Fevereiru, ho kriador sira Carlos Gil ho Pedro Pedro, ne'ebé marka ba loron 26 Fevereiru.

ho Lusa

komentáriu sira