lifestyle

Advogadu sira hosi feto ne'ebé akuza Neymar ba violasaun husik kazu

SAPO TL, 04 de juñu de 2019

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Advogadu sira hosi feto ne'ebé aprezenta ona kesar hasoru Neymar fó sai katak husik ona kazu tanba sira konsidera katak kliente bosok sira hodi hatete katak futebolista baku nia, maibé nunka mensiona violasaun ne'ebé maka nia asumi iha polísia.

Rede televizaun Globo fó sai ona, iha loron-segunda kalan, karta ida ne'ebé advogadu Cunha Bueno refere katak feto ne'e "hatete beibeik katak iha sexu ne'ebé ho akordu ho Neymar maibé, hafoin ne'e, sai agresivu", no ne'e maka sai hanesan objetivu hosi kesar ne'e.

"Tanba hirus ka tanba vingansa, señora rejista ona kesar hodi hatete faktu sira ne'ebé la hanesan ho saida maka nia hatete mai ami, hodi relata katak hanesan vítima violasaun nian, bainhira asumi iha ami nia oin no hatudu katak hanesan vítima hosi agresaun nian", refere hosi advogadu.

Iha loron-sesta, Neymar hetan ona akuzasaun viola feto ida ne'ebé maka aprezenta ona kesar-krimi ida iha polísia São Paulo nian.

Tuir kesar, insidente ne'e akontese iha loron 15 Maiu, iha tuku 20:20, iha hotel ida iha Paris, ne'ebé Neymar reprezenta hela Paris Saint-Germain.

Feto ne'e hatete katak koñese Neymar liuhosi mensajen sira iha rede sosial Instagram no ne'ebé reprezentante ida hosi jogador sosa ona billete sira aviaun nian ba nia no kuartu ida iha hotel iha Paris.

Maibé, jogador publika ona iha rede sosial sira iha Internet mensajen privadu sira ne'ebé nia halo ho feto ne'ebé akuza nia ba violasaun, hodi hatudu katak nia sai hanesan vítima hosi jogada ida.

"Hanesan armadilla ida no ha'u monu ona. (...) Hahú agora ha'u sei tau konversasaun tomak ne'ebé maka ha'u halo ho labarik-feto ne'e, iha momentu tomak, ne'ebé hanesan íntimu, maibé presiza hodi hatudu katak la akontese duni hahalok sira seluk", afirma hosi avansadu Paris Saint-Germain iha nia konta ofisial Instagram.

Neymar konsentra hela ho selesaun hosi nia nasaun ba partisipasaun iha Kopa Amérika ne'ebé sei halo iha Brazil entre loron 14 Juñu to'o 07 Jullu.

Fonte: Ajénsia Lusa

komentáriu sira