lifestyle

10 Juñu: Atividade sira iha Díli inklui komponente kultural, emprezarial ho koperasaun

SAPO TL, 04 de juñu de 2018

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Atividade sira hodi selebra Loron Portugal nian iha Timor-Leste inklui komponente kultural sira, emprezarial ho koperasaun nian ho nasaun, aleinde resepsaun ida ne'ebé sei inklui konsertu ida hosi Virgem Suta, hatete hosi embaixador portugés iha Díli ba Lusa.

"Hanesan parte ida hosi inisiativu sira ne'ebé embaixada sei halo no ne'ebé sei foka iha parte kultural, emprezarial ho koperasaun nian", hatete hosi José Pedro Machado Vieira ba Lusa, iha Díli.

Ajenda hosi programa, ne'ebé sei dura loron haat, inklui feira ida hosi koperasaun ne'ebé sei fó koñese projetu sira ne'ebé maka Portugal halo iha Timor-Leste.

Feira livru ida no feira sabor sira nian, konsertu sira no debate oioin ho empreza portugeza sira ne'ebé ativu iha Timor-Leste hanesan elementu sentral sira seluk hosi programa "Sentir Portugal", ne'ebé sei asinala iha Díli, iha Juñu, Loron Portugal nian, loron Camões nian no Komunidade Portugeza sira nian.

Eventu oioin, promove hosi Embaixada Portugal nian iha Díli, hosi Aicep no hosi Institutu Camões, hahú iha loron-kinta ho feira livru ida no atuasaun hosi grupu folklóriku hosi Eskola Portugeza Ruy Cinatti iha Timor Plaza, sentru komersial boot iha Díli.

Iha loron hanesan, hahú siklu debate sira ho empreza portugeza sira, foka iha tema sira hanesan kontributu hosi empreza sira ba Timor-Leste, knaar hosi arte ho kultura no oportunidade sira negósiu nian iha nasaun.

Iha loron-sesta sei iha atuasaun hosi Koru hosi Eskola Portugeza Ruy Cinatti no hosi Grupu Dansa Timor Furak ho lian portugés sira nian hodi marka ‘happy hour’ ida dedikadu ba Portugal ho atuasaun ida hosi grupu portugés Virgem Suta no hosi luzu-timoroan "Será que vai dar certo".

Iha loron-sesta ho loron-sábadu sei iha mós merkadu sabor sira nian no debate ida kona-ba tema "Portugal visto por timorenses".

"Selebrasaun sira loron 10 Juñu iha nafatin parte lúdika ho sosial no sei to'o iha pontu importante iha resepsaun habitual ne'ebé oferese hosi embaixada, iha Eskola Portugeza, tinan ne'e ho prezensa hosi grupu muzikal portugeza, Virgem Suta", esplika hosi diplomata portugés.

José Pedro Machado Vieira refere ona katak "hanesan konsertu ida ho kualidade no parte kultural ho rekreativu ne'e hanesan mós momentu konvíviu abertu ida ba ema portugés tomak".

Embaixador portugés destaka mós katak iha loron 10 Juñu sei lansa "Casa de Portugal, asosiasaun portugeza dahuluk iha Timor-Leste".

Fonte: Agência Lusa

komentáriu sira